MANISPAA YA ILALA YAANDIKA HISTORIA MPYA MTAA WA SAMORA

Na: Hashim Jumbe

Halmashauri ya Manispaa ya Ilala kwa kushirikiana na Shirika la Kimataifa la Maendeleo toka Japan 'JICA' leo wameandika historia mpya kwenye Jiji la DSM, historia ambayo inaweza isifutike miongoni mwetu kwa miaka dahali, historia ya kuiona DSM mpya iliyopangika na yenye maeneo ya vivutio na mahala pakupumzikia Wananchi wake.

Katika harakati za kuipendezesha DSM na kutaka ionekane kama Miji mingine mikubwa iliyoendelea Duniani, Mtaa wa Samora umekuwa mfano 'pilot project' kwa namna gani DSM mpya inavyotakiwa kuonekana na leo hii  Mkuu wa Mkoa wa DSM, Mhe. Paul Makonda amezindua rasmi Mradi wa Maboresho ya Mtaa wa Samora.

Mradi huo wa uboreshaji na upendezeshaji wa Mtaa wa Samora umeratibiwa na Halmashauri ya Jiji la Dar es Salaam kwa kushirikiana na Halmashauri ya Manispaa ya Ilala pamoja na Shirika la Maendeleo toka Nchini Japan 'JICA'.