Na: Hashim Jumbe
Taasisi isiyokua ya Kiserikali ya ‘Baps Charities’
imekabidhi majengo ya shule ya msingi Maktaba iliyopo kata ya Upanga Mashariki,
Manispaa ya Ilala baada ya kuyafanyia ukarabati mkubwa. Ukarabatit huo
ulihusisha vyumba vya madarasa 18 na matundu ya vyoo 20.
Katika hafla hiyo iliyohudhuriwa na Naibu Waziri Ofisi ya Waziri Mkuu (TAMISEMI) anayeshughulikia elimu Mh. Kassim
M. Majaliwa, pia alishuhudia taasisi ya Baps Charities wakikabidhi na vifaa vya kujifunzia kwa
kila Mwanafunzi wa shule hiyo ya msingi Maktaba.
Akisoma risala kwa
Mgeni rasmi, Mwalimu Mkuu wa shule hiyo aliwashukuru Baps Charities kwa msaada wao na aliahidi kuyatunza vizuri majengo hayo kwa ajili ya vizazi vijavyo.
 |
| Naibu Waziri Ofisi ya Waziri Mkuu (TAMISEMI) anayeshughulikia elimu Mh. Kassim M. Majaliwa mwenye suti nyeusi akimsikiliza Mwanafunzi wa shule ya msingi Maktaba anavyosoma kitabu alipotembelea maktaba ya shuleni hapo |
 |
| Mh. Kassim M. Majaliwa akimsikiliza Mwanafunzi wa shule ya msingi Maktaba namna ya kuandaa zana za kujifunzia somo la sayansi, alipotembelea banda la maonesho la shule hiyo |
 |
| Naibu Waziri TAMISEMI anayeshughulikia elimu Mh. Kassim Majaliwa akizindua rasmi majengo ya shule ya msingi Maktaba yaliyofanyiwa ukarabati na taasisi ya Baps Charities |
 |
| Kikundi cha utumbuizaji kutoka shule ya msingi Umoja wa Mataifa wakicheza ngoma aina ya makhirikhiri wakati wa hafla hiyo |
 |
| Naibu Waziri Ofisi ya Waziri Mkuu (TAMISEMI) anayeshughulikia elimu Mh. Kassim Majaliwa akimkabidhi mmoja wa Wanafunzi wa shule ya msingi Maktaba vifaa vya kujifunzia kwa niaba ya Wanafunzi wote wa shule hiyo ya msingi Maktaba. |
 |
| Naibu Waziri Mh. Kassim M. Majaliwa akimkabidhi zawadi Mwenyekiti wa BAPS Swaminaran-dhehebu la dini ya Hindu Bw. Subhash M. Patel |
