Na: Hashim Jumbe
Mstahiki Meya wa Manispaa ya Ilala anayemaliza kipindi chake cha Uongozi kwa kipindi cha mwaka
2010-2015 Mhe. Jerry Silaa amelivunja Baraza la Madiwani la Manispaa hiyo kwa mujibu wa sheria na kama ilivyoagizwa
kwenye tangazo la Serikali Namba 230 la tarehe 26 Juni,2015 ambapo Halmashauri
zote nchi zimeagizwa kuvunja Mabaraza ya Madiwani kabla ya tarehe 08 Julai,
2015.
Akisoma
hotuba ya kuvunja Baraza kwa Mgeni Rasmi, Mhe. Jerry Silaa alisema “Baraza hili la Madiwani la Awamu
ya tatu ya Uhai wa Halmashauri linavunjwa likiwa lina mambo ya kujivunia
hususani katika kuandaa mazingira endelevu ya Uwekezaji, Kuongezeka kwa mapato
ya ndani, Uboreshaji wa huduma za Kiuchumi, elimu na Afya. Nampongeza Mkurugenzi
na timu yake ya wataalam, Waheshimiwa Madiwani wote, Uongozi wa Wilaya, Uongozi
wa Mkoa na wataalam wake. Ushirikiano wa karibu wa timu hii umechangia kwa
kiasi kikubwa mafanikio tunayoyaona kwa sasa. Naamini Awamu ya nne ya Uongozi unaokuja
utaanzia mahali pazuri”
 |
| Sheikh Mkuu wa Mkoa wa Dar-es-Salaam, Alhad Mussa Salum akisoma dua ya kuliombea Baraza la Madiwani na kuwaombea kheri katika Uchaguzi Mkuu ujao |
 |
|
Mstahiki
Meya wa Manispaa ya Kinondoni, Mhe.Yusuph Mwenda Akitoa salamu za Manispaa ya
Kinondoni katika wakati wa Mkutano wa Baraza la Madiwani
|
 |
| Mhe. Jerry Silaa akihutubia Mkutano wa Baraza la Madiwani muda mfupi kabla ya kulivunja Baraza hilo |
 |
| Mhe. Jerry Silaa akikabidhiwa bendera ya kumbukumbu ya Manispaa ya Ilala na Mkurugenzi wa Manispaa ya Ilala Ndugu Isaya Mngurumi |
