Waheshimiwa Madiwani wa Halmshauri ya Manispaa ya Ilala, leo wamepatiwa mafunzo elekezi yanayolenga kuwaongezea ufanisi wanapo simamia shughuli mbalimbali za Halmashauri.
Mafunzo hayo ya siku mbili, yanaendeshwa na Wataalamu kutoka TAMISEMI na Chuo cha Serikali za Mitaa 'Hombolo' yamelenga kuwajengea Madiwani uelewa kwenye usimamizi wa sheria za uendeshaji wa Serikali za Mitaa, Muundo,Madaraka na Majukumu ya Serikali za Mitaa, Kanuni kuhusu maadili ya Madiwani, Usimamizi wa Watumishi katika Serikali za Mitaa, Kanuni na taratibu za uendeshaji wa Mikutano katika Serikali za Mitaa, Usimamizi na udhibiti wa fedha katika mamlaka za Serikali za Mitaa, Wajibu,Majukumu,Haki na Stahiki za Madiwani.
