Na: Hashim Jumbe
Hali ya maambukizi ya ugonjwa wa Malaria kwa Wakazi wa Manispaa ya Ilala imezidi kupungua kwa asilimia 6.9, kutoka Wagonjwa 152,714 walioripotiwa kwenye vituo vya tiba vya Serikali na Binafsi kwa mwaka 2014 ukilinganisha na idadi ya Wagonjwa 142,099 kwa mwaka 2015.
Hali ya maambukizi ya ugonjwa wa Malaria kwa Wakazi wa Manispaa ya Ilala imezidi kupungua kwa asilimia 6.9, kutoka Wagonjwa 152,714 walioripotiwa kwenye vituo vya tiba vya Serikali na Binafsi kwa mwaka 2014 ukilinganisha na idadi ya Wagonjwa 142,099 kwa mwaka 2015.
Pamoja na kupungua kwa idadi kubwa ya Wagonjwa wanaoripotiwa
kwenye vituo vya tiba vya Serikali na Binafsi bado Malaria ni tatizo kubwa
kwenye Jamii ya Wakazi wa Manispaa ya Ilala.
Akiongea wakati wa maadhimisho ya siku ya Malaria Duniani
yaliyofanyika kwenye viwanja vya michezo vya Jakaya Kikwete kwa Manispaa ya Ilala, Bwana Ally Adnani
ambaye ni Mratibu wa Malaria Manispaa ya Ilala ameelezea mikakati inayotekelezwa na Manispaa ya Ilala ili kuendelea
kupunguza kasi ya maambukizi ya ugonjwa wa Malaria kwa Wakazi wa Manispaa ya
Ilala.
Bwana Adnani alisema “kwanza tumefanya utambuzi wa Wagonjwa,
tiba sahihi ya Wagonjwa na ya tahadhari, pili tumefanya uhamasishaji, uelimishaji
Jamii na utetezi kuhusu ugonjwa wa Malaria na tatu tumefanya uthibiti wa mbu waenezao
malaria kwa njia ya utangamano, kama vile matumizi ya vyandarua vyenye viuatilifu vya muda mrefu, kuua
viluwiluwi wa mbu na usimamizi wa mazingira kwa kuondoa mazalio ya mbu.
Aidha, katika maadhimisho hayo, Manispaa ya Ilala imetoa elimu
ya maambukizi ya ugonjwa wa Malaria na namna ya kujikinga kwake, na pia huduma
ya upimaji bure wa ugonjwa wa Malaria kwa Wanafunzi wa shule za Msingi na za
Sekondari zilizopo Manispaa ya Ilala zilifanyika kwenye viwanja hivyo vya
michezo vya Jakaya Kikwete
 |
| Mwanafunzi wa darasa la tatu shule ya Msingi Scholastica akifanyiwa vipimo vya ugonjwa wa Malaria. |
 |
| Bwana Gharib Shomary akiwafundisha Wanafunzi wa shule ya sekondari Jamhuri namna viluwiluwi vinavyozalisha mbu |
