Na: Tabu Shaibu
Wamiliki wa mashamba, Viwanja na nyumba Kata za Majohe, na Pugu wawasilisha malalamiko kwa Mkuu wa Wilaya ya Ilala Mhe. Sophia Mjema.
Mkuu wa Wilaya ya Ilala
Mhe Sophia Mjema amepokea malalamiko ya Wananchi
waliokuwa na mashamba, viwanja na nyumba katika Kata za Majohe, Pugu, mitaa ya kigilagila, kipunguni na
kinyamwezi kuhusiana na mradi wa upimaji wa viwanja unaotekelezwa na Mamlaka ya
Viwanja vya ndege. Malalamiko hayo yalitolewa katika Mkutano uliofanyika tarehe
4/11/2016 kwenye viwanja vya Ofisi ya Afisa Tarafa ya Ukonga.
Awali wananchi hao
walieleza kuwa, kuanzia mwaka 2001 hadi
2006 Mamlaka ya Viwanja vya Ndege iliendesha zoezi la uthamini wa maeneo
mbalimbali ya wenyeji wa maeneo Majohe, Pugu, Mitaa ya Viwege, Kinyamwezi,
Zavala, Mgeule na Taliani ili kuweza kuwafidia wananchi watakaopisha mradi wa
upanuzi wa uwanja wa ndege wa Dar es Salaam.
 |
| Mkuu wa Wilaya ya Ilala, Mhe. Sophia Mjema akipokea malalamiko ya Wananchi wa Pugu na Majohe kuhusu malalamiko ya nyumba na ardhi |
 |
| Bi. Gaudensia Paschal akiwasilisha malalamiko yake ya kutolipwa fidia kufuatia nyumba zake tatu za udongo zilizobomolewa
Hata hivyo, hadi sasa
zimeibuka sintofahamu nyingi kuhusiana na hatma ya mradi huo kwani baadhi yao hawajalipwa
fidia na tayari maeneo ya yameshachukuliwa, wengine wamelipwa fidia ambayo
hailingani na thamani ya ardhi lakini pia malipo waliyopokea hayatoshelezi
kukamilisha ujenzi wa nyumba mbadala. . “Mheshimiwa
Mkuu wa Wialaya tunaomba kupewa viwanja vyetu” walidai wanachi hao
Wakiendelea kulalamika
mbele ya Mhe. Mjema baadhi ya waliopewa maeneo mbadala walijikuta wamepewa
maeneo ambayo matumizi yake ni ya Umma. Malalamiko haya yanadhihirishwa na Bibi
Elena Godfrey Peter aliyepewa kiwanja Na.866 Block H. ambacho ni eneo la
kuzikia kwa mujibu wa ramani. Aidha
sintofahamu hizo zimechangia kuwepo kwa migogoro baina ya wakazi hao hali
inayotishia usalama wao.
Naye Bibi Gaudensia
Paskali alieleza kuwa wakati wa zoezi la uthamini likiendelea nyumba tatu za
udonga alizokuwa akizimiliki zilibolewa na alipofuatilia alijibiwa kuwa
hastahili kulipwa. Aliendelea kufuatilia ngazi ya Wizara ya Ardhi hata hivyo
hakuweza kufanikiwa kumuona aliyekuwa Waziri wa Ardhi Mhe. Anna Tibaijuka.
Akiwa mwanamke mjane hali hiyo imemsababishia mgogoro na watoto wake
wakimtuhumu kuuza eneo, alieleza Bibi Paskali. Bw. Awadhi Mtani yeye alilalamikia
muingiliano wa mipaka ya maeneo.
“Mheshimiwa tunaishi
maisha magumu, hatujui hatma yetu tusaidie”
Afisa Ardhi kutoka Manispaa
ya Ilala Bw. Ramadhani Chamwiti alipotoa ufafanuzi kwa baadhi ya malalmiko
yaliyowasilishwa wananchi walioshiriki mkutano walioneka kutoyaafiki. Aidha hawakuafiki pia ufafanuzi wa Mhandisi
William Schambo kutoka Mamlaka ya Viwanja vya ndege.
Hatua hiyo ilisababisha
Mhe. Mjema kuunda timu ambayo itakuwa na uwakilishi wa watu wanne itakayofanya
kazi ya kufuatilia mgogoro huu ngazi ya wizara na kutoa mrejesho.
  |
